11 de Abril / Die 11 Aprilis. Tertio Idus Aprilis.
Sancti Leonis Papae Primi, cognomento Magni, Confessoris et Ecclesiae Doctoris, cujus dies natalis recolitur quarto Idus Novembris.
(Papa San León I, llamado Magno, Confesor y Doctor de la Iglesia)
Pergami, in Asia, sancti Antipae, testis fidelis, cujus meminit sanctus Joannes in Apocalypsi. Ipse autem Antipas, sub Domitiano Imperatore, in bovem aeneum candentem conjectus, martyrium consummavit.
(San Antipas)
Salonae, in Dalmatia, sanctorum Martyrum Domnionis Episcopi, cum militibus octo.
(Santos Mártires Domnino Obispo, con ocho soldados)
Gortynae, in Creta, sancti Philippi Episcopi, vita et doctrina clarissimi, qui, temporibus Marci Antonini Veri et Lucii Aurelii Commodi, Ecclesiam sibi creditam regens, a furore Gentilium et ab haereticorum insidiis eamdem tutatus est.
(San Félipe Obispo)
Nicomediae sancti Eustorgii Presbyteri.
(San Eustorgio, Presbítero)
Spoleti sancti Isaac Monachi et Confessoris, cujus virtutes sanctus Gregorius Papa commemorat.
(San Isaac Monje y Confesor)
Apud Gazam, in Palaestina, sancti Barsanuphii Anachoretae, sub Justiniano Imperatore.
(San Barsanufio, Anacoreta)
Lucae, in Etruria, sanctae Gemmae Galgani, Virginis, contemplatione Dominicae Passionis et vitae sanctitate mirabilis, quam Pius Papa Duodecimus in Sanctarum numerum retulit.
(Santa Gema de Galgani, Virgen)
Y en otras partes, otros muchos santos Mártires y Confesores, y santas Vírgenes.
R. Deo Gratias.
No hay comentarios:
Publicar un comentario